Беларуская праваслаўная царква і сістэма адукацыі Міншчыны будуць рэалізоўваць сумесныя асветніцкія праекты і праводзіць экскурсіі па святых месцах. Пра гэта БЕЛТА паведамілі ў прэс-службе Мінскага аблвыканкама. 

У Фаніпалі прайшоў абласны семінар «Чалавек у гісторыі: святая блажэнная Валянціна Мінская». Падчас мерапрыемства была падпісана праграма супрацоўніцтва паміж галоўным упраўленнем па адукацыі Мінаблвыканкама і Мінскай мітраполіяй БПЦ на 2026 год.

«Жыццё Валянціны Мінскай — прыклад служэння Госпаду і народу. Заклікаю педагогаў, абапіраючыся на гэты прыклад, рабіць нашу моладзь і сем’і больш духоўнымі. Каб маладыя бацькі разумелі адказнасць перад нашчадкамі, а дзіцячыя калектывы вучыліся падтрымцы і міласэрнасці. Мы, дарослыя, павінны шырока адкрываць дзверы для святароў. У Мінскай вобласці склалася канструктыўнае ўзаемадзеянне царквы і адукацыі. Сённяшняе падпісанне праграмы выводзіць яго на новы ўзровень», — адзначыў намеснік старшыні Мінскага аблвыканкама Аляксандр Ільясевіч.

У планах — прысвоіць школе №2 Фаніпаля імя святой блажэннай Валянціны Мінскай