У цяперашні час працягваецца абмен акцый адкрытых акцыянерных таварыстваў, якія належаць дзяржаве, на імянныя прыватызацыйныя чэкі «Маёмасць».

Тэрмін абарачэння імянных прыватызацыйных чэкаў «Маёмасць» – да 31 снежня 2030 г. (устаноўлены пастановай Савета Міністраў Рэспублікі Беларусь ад 30 мая 2025 г. № 298).

Абмен акцый ажыццяўляецца ў любым падраздзяленні ААТ «ААБ Беларусбанк», якое выконвае аперацыі з чэкамі «Маёмасць». Сёння да абмену на чэкі прапануюцца акцыі 137 акцыянерных таварыстваў рэгіянальнага і рэспубліканскага значэння, сярод якіх прадпрыемствы прамысловасці, будаўніцтва, сельскай гаспадаркі, транспарту, гандлю і іншых галін эканомікі. Пералік таварыстваў размешчаны на сайце ААТ «ААБ «Беларусбанк». Там жа можна знайсці падраздзяленне банка, якое выконвае аперацыі з чэкамі «Маёмасць».

Для набыцця акцый у абмен на чэкі «Маёмасць»  патрабуецца пашпарт грамадзяніна Рэспублікі Беларусь і сертыфікат чэкаў «Маёмасць». У выпадку страты сертыфіката грамадзянін захоўвае права ўласнасці на чэкі «Маёмасць», а сертыфікат можа быць адноўлены банкам шляхам выдачы дубліката.

У адпаведнасці з заканадаўствам для абмену на акцыі могуць быць выкарыстаны чэкі «Маёмасць», налічаныя грамадзяніну асабіста, а таксама атрыманыя па дагаворах дарэння (у суме не больш за 250 чэкаў) і (або) па спадчыне (без абмежавання) ад блізкіх сваякоў, пры ўмове, што доряцца (спадкуюцца) толькі чэкі, выдадзеныя гэтым асобам.

Важна! Пасля абмену чэкаў «Маёмасць» на акцыі прадпрыемстваў чэкі пагашаюцца і вяртанню для паўторнага выкарыстання не падлягаюць.

Для зніжэння інвестыцыйнай рызыкі пры абмене чэкаў «Маёмасць» неабходна папярэдне атрымаць інфармацыю аб акцыянерных таварыствах, акцыі якіх грамадзянін мае намер набыць. Звесткі аб фінансавых выніках гаспадарчай дзейнасці акцыянерных таварыстваў знаходзяцца ў адкрытым доступе на Адзіным партале фінансавага рынку.

Набываючы акцыі, грамадзянін становіцца акцыянерам адпаведнага акцыянернага таварыства і згодна з заканадаўствам надзяляецца правам:

удзельнічаць у кіраванні кампаніяй шляхам галасавання на сходзе акцыянераў;

атрымліваць дывідэнды, адпаведныя сваёй долі ў гэтай кампаніі;

атрымліваць частку маёмасці кампаніі ў выпадку яе ліквідацыі.

Таксама акцыі можна прадаць праз гандлёвую сістэму ААТ «Беларуская валютна-фондавая біржа» пры пасярэдніцтве прафесійнага ўдзельніка рынку каштоўных папер.

Рэестр прафесійных удзельнікаў рынку каштоўных папер размешчаны на афіцыйным сайце Міністэрства фінансаў – https://www.minfin.gov.by/upload/depcen/licenzirovanie/reestr_prof.doc.

З Тэхналогіяй здзяйснення здзелак па адчужэнні акцый на біржавым рынку можна азнаёміцца таксама на сайце гэтага міністэрства.

Падрабязную інфармацыю па пытаннях выкарыстання і абмену чэкаў «Маёмасць» можна атрымаць у камітэце дзяржаўнай маёмасці Мінскага аблвыканкама па тэлефоне (+ 375 17) 500 45 08