Прэзідэнт Беларусі, старшыня Вышэйшага дзяржаўнага савета Саюзнай дзяржавы Аляксандр Лукашэнка 26 лютага прыме ўдзел у пасяджэнні Вышэйшага дзяржсавета Саюзнай дзяржавы. Пра гэта паведамілі ў прэс-службе беларускага лідара.

Мерапрыемства адбудзецца ў Маскве, парадак дня ўключае сем пунктаў, якія датычацца пытанняў двухбаковага інтэграцыйнага ўзаемадзеяння.

На пасяджэнні прадстаіць абмеркаваць Асноўныя напрамкі рэалізацыі Дагавора аб стварэнні Саюзнай дзяржавы на 2024–2026 гады, а таксама распрацоўку праекта аналагічнага дакумента на 2027–2029 гады.

Ключавыя пункты парадку дня таксама датычацца арганізацыі трансгранічнага прыгараднага пасажырскага паведамлення; стварэння Камітэта па стандартызацыі і якасці Саюзнай дзяржавы; узаемнай падтрымкі ў супрацоўніцтве ў галіне міжнароднага правасуддзя; прысуджэння прэмій Саюзнай дзяржавы ў галіне літаратуры і мастацтва за 2025–2026 гады.

belta.by