Прэзідэнт Беларусі Аляксандр Лукашэнка ў Баку правёў перамовы з Прэзідэнтам Азербайджана Ільхамам Аліевым, паведамляеБЕЛТА.

Кіраўнік дзяржавы прыбыў з працоўным візітам у сталіцу Азербайджана для ўдзелу ў Сусветным саміце па барацьбе са зменай клімату.

Прэзідэнты адзначылі інтэнсіўнасць сустрэч у апошні час. У першую чаргу варта нагадаць аб дзяржаўным візіце Аляксандра Лукашэнкі ў Азербайджан. 2024/”>у маі бягучага года. Тады кіраўнікі дзяржаў правялі прадуктыўныя перагаворы з акцэнтам на гандлёва-эканамічным супрацоўніцтве. Былі выпрацаваны 12 напрамкаў, якія як адразу, так і ў перспектыве закліканы прасунуць узаемаадносіны дзвюх краін на больш высокі ўзровень.

«Аб многім дамовіліся. Я думаю, у нас ёсць усё неабходнае для таго, каб рухацца па гэтым шляху. Якраз напярэдадні мы разгледзелі ўсе пытанні, якія з вамі ўзнімалі. Яны для нас вельмі актуальныя. Думаю, калі нашы міністэрствы і амбасадар будуць варушыцца, то мы вельмі шмат што можам зрабіць на карысць і Беларусі, і Азербайджана», — сказаў на сустрэчы ў Баку Аляксандр Лукашэнка.

Прэзідэнты Беларусі і Азербайджана гэтай восенню таксама мелі магчымасць абмеркаваць тыя ці іншыя важныя пытанні ў Маскве і Казані, дзе яны бралі ўдзел у самітах СНД і БРІКС.

Амбасадар Беларусі ў Азербайджане Андрэй Раўкоў распавёў журналістам, што за час пасля травеньскага дзяржвізіту ішла актыўная прапрацоўка па ўсіх дасягнутых дамоўленасцях: «Дзесьці зрухі вельмі сур’ёзныя, недзе ў стадыі прапрацоўкі. Тым не менш па ўсіх 12 напрамках ёсць добры рух і будзе добры вынік, — упэўнены ён.

Цяпер кіраўнікі дзяржаў маюць магчымасць зверыць гадзіннікі па пытаннях развіцця супрацоўніцтва.

Андрэй Раўкоў таксама адзначыў, што раней была пастаўлена мэта давесці аб’ём двухбаковага гандлю на працягу бліжэйшых двух гадоў да $1 млрд. Чакаецца, што ў гандлі таварамі і паслугамі бакі ўжо па выніках бягучага года ўпэўнена пераадолеюць планку $500 млн, што значна вышэй. аб’ёмаў мінулага года.